Բելգիայի Վիզե քաղաքում տեղի ունեցած հրաձգության զոհերի թիվը երեքի է հասել, տեղական ԶԼՄ-ներին վկայակոչելով հաղորդում է Ֆրանս Պրեսս գործակալությունը:
Ավելի վաղ տեղեկություններ էին ստացվել, որ նախօրեին քաղաքի փողոցներից մեկում կայանված ավտոմեքենայի վարորդը, որի ինքնությունը դեռ չի պարզվել, մեքենայի միջից կրակ է երեք անձանց ուղղությամբ, որոնցից մեկը երեխա է եղել: Վերջինս կնքահոր եւ նրա ծանոթի ուղեկցությամբ սպորտային հրապարակից տուն էր վերադառնում: Տղամարդն ու երեխան տեղում մահացել էին, իսկ կնոջը ծանր վիճակում հիվանդանոց էին տեղափոխել: Տեղեկություններ են ստացվել, որ ապրիլի 19-ին նա եւս մահացել է հիվանդանոցում, հաղորդում է ՌԻԱ-Նովոստին:
Ոստիկանության կողմից ճշտված տեղեկություններով, հանցագործը կարող էր միայնակ չլինել մեքենայի մեջ: Հանցագործության մոտիվները դեռեւս անհայտ են մնում: Ոստիկանական հետաքննությունն ընթացքի մեջ է:
