Աղվերանում ապրիլի 18-20-ը կայացած Հայ Յեղափոխական Դաշնակցության Գերագույն ժողովի ժամանակ ԳՄ-ն նոր կազմ է ընտրել: Այս մասին NEWS.am-ին ասաց ՀՅԴ անդամ Արտյուշա Շահբազյանը:
«ՀՅԴ ԳՄ նոր անդամներ են դարձել ԱԺ նախկին պատգամավոր Լիլիթ Գալստյանը, Սամվել Երանյանն ու Պետրոս Մեղրյանը: ԳՄ-ի անդամությունից հրաժարվել են արդեն նախկին ԳՄ-ականներ Սպարտակ Սեյրանյանն ու Արսեն Համբարձումյանը: Նոր ԳՄ-ի կազմում են ԱԺ ՀՅԴ խմբակցության պատգամավորներ Արմեն Ռուստամյանը, Արծվիկ Մինասյանը, Աղվան Վարդանյանը», ասաց նա:
Թե ինչ է քննարկվել այս երեք օրերի ընթացքում, ՀՅԴ-ականը հրաժարվել պատասխանել: Մեր տեղեկություններով այսօր երեկոյան ՀՅԴ ԳՄ-ն նոր կազմով ժողով կանի Երեւանում եւ այնուհետեւ հանդես կգա հայտարարությամբ:
