Հոլանդիայի Ալմելո քաղաքում Հայոց ցեղասպանությանը նվիրված հուշահամալիրի բացումն ապրիլի 24-ին լինելու է, չնայած թուրքական լրատվամիջոցների ճնշումներին: Այս մասին NEWS.am-ին ասաց GMG ընկերության նախագահ Մարիամ Մանուկյանը, որն էլ զբաղվում է կազմակերպչական հարցերով:
«Չնայած թուրքական լրատվամիջոցները ճնշումներ են գործադրում, հուշահամալիրի բացումը կլինի»,- ասաց նա:
Ըստ թուրքական լրատվամիջոցների՝ իրենց հասարակական կազմակերպությունները դիմելու են Ալմելոի քաղաքապետին, որպեսզի հուշահամալիրը չբացվի: Այնուամենայնիվ, քաղաքի 6 հազարանոց հայկական համայնքն ապրիլի 24-ին բացումն անելու է:
Նշենք, որ հուշահամալիրն իր տեսակով բացառիկ է եւ ունի 16 խաչքար: Բացումը նախատեսված է ապրիլի 24-ին, իսկ միջոցառմանը մասնակցելու են ավելի քան ավելի քան 15 հազար հայեր աշխարհի տարբեր ծայրերից:
Ավելի վաղ NEWS.am-ը հայտնել էր, որ ըստ հուշահամալիրը կառուցող բարերար Քրիստիան Գելիձիի՝ իրավիճակը Հոլանդիայում սրված է, եւ դեռ պարզ չէ՝ Ցեղասպանությանը նվիրված մեծ եւ բացառիկ հուշահամալիրը կբացվի, թե ոչ: