ԱՄՆ-ը սերտորեն աշխատել է Հայաստանի եւ Թուրքիայի հետ՝ արձանագրությունների հարցում եւ ակտիվ աջակցություն է հայտնում այդ գործընթացին: Այս մասին այսօր՝ ապրիլի 22-ին, լրագրողների հետ զրույցում նշել է Հայաստանում ԱՄՆ դեսպան Ջոն Հեֆերնը:
Նրա խոսքով՝ ԱՄՆ-ը հույս ունի, որ մի օր այդ արձանագրությունները կվավերացվեն եւ կյանքի կկոչվեն երկու կողմերից:
Անդրադառնալով հայ-թուրքական արձանագրություններն ուժը կորցրած ճանաչելու հավականականությանը, ամերիկացի դիվանագետը նշել է, որ չի կարող պատասխանել այդպիսի ենթադրական հարցերի: «Հայ-թուրքական արձանագրությունները դրական կանդրադառնան երկու երկրների վրա, ոչ միայն Հայաստանի, այլեւ Թուրքիայի վրա»,-ընդգծել է Հեֆերնը:
