Վանաձոր քաղաքի ոստիկանության Տարոնի բաժնում, ապրիլի 21-ին, ժամը 10.30-ին, ահազանգ է ստացվել, որ հարեւանը դանակով հարձակվել եւ սպառնում է 51-ամյա Սեյրան Մ.-ին:
Ոստիկանության մամուլի ծառայությունից հայտնում են, որ մեկնած օպերատիվ խումբը պարզել է, որ նույն օրը, ժամը 09.00-ի սահմաններում, շենքի շքամուտքում, վիճաբանության ժամանակ, 70-ամյա Ժորա Զ.-ն ձեռքերով հարվածել է Սեյրան Մ.-ի դեմքին, այնուհետեւ իր բնակարանից վերցրած խոհանոցային դանակով սպանության սպառնալիք է տվել նրան:
Նշանակվել է դատաբժշկական փորձաքննություն:
Դանակն առգրավված է:
Կատարվում է հետաքննություն: