ԱՄՆ-ի Վայոմինգ նահանգի հարավարեւմտյան Օպալ քաղաքում տարհանվել են բոլոր բնակիչները` Williams ընկերության գազամշակման գործարանում պայթյունի պատճառով, գրում է Wall Street Journal-ը:

Ըստ Williams-ի ներկայացուցչի պաշտոնական տվյալի` միջադեպի հետեւանքով ոչ ոք չի տուժել: Պայթյունից անմիջապես հետո գործարանում հրդեհ էր բռնկվել:

Ըստ 2010 թ. մարդահամարի տվյալի` Օպալի բնակչության թիվը կազմում է 100 մարդ: Այն գտնվում է Սոլթ Լեյք Սիթի խոշոր քաղաքից 160 կմ հեռավորության վրա: