1915 թ. Օսմանյան կայսրությունում Հայոց ցեղասպանության տարելիցի կապակցությամբ ապրիլի 24-ին իր Twitter-ում գրառում է կատարել ռուսաստանցի կինոռեժիսոր, դերասան, սցենարիստ եւ հեռուստահաղորդավար, Տիգրան Քեոսայանը՝ խորհրդային հայտնի ռեժիսոր Էդմոնդ Քեոսայանի որդին:
«Այսօր 1915 թ. հայոց ցեղասպանության զոհերի հիշատակի օրն է: Իմ նախնիները գաղթել են Կարսից: Մեկուկես միլիոն տառապյալներ: Հավերժական ցավ... », - գրել է նա:
Հիշեցնենք, այս տարի նշվում է Օսմանյան կայսրությունում Հայոց ցեղասպանության 99-րդ տարելիցը: Հիշատակի արարողություններ են անցկացվում Հայաստանում եւ աշխարհի շատ երկրներում: