«Անա Վեթեն» կուսակցությունը հրաժարվել է Նիդեռլանդների բազմակուսակցական ժողովրդավարության ինստիտուտի կողմից ապրիլի 26-27 կազմակերպվելիք Հարավային Կովկասի երիտասարդ քաղաքական գործիչների համաժողովին մասնակցել:
Ինչպես կուսակցության մամուլի ծառայությունից են ԱՊԱ-ին տեղեկացրել, հիշյալ ինստիտուտը նմանատիպ մեկ միջոցառում եւս կազմակերպել է 2013թ.` հունիսի 29-30: Սակայն ներկայումս «Անա Վեթեն» կուսակցությունը գտնում է, որ հայ եւ ադրբեջանցի երիտասարդների մերձեցումն անհնար է` «քանի դեռ ադրբեջանական հողերն ազատագրված չեն»:
Որոշումն ավելի քան արդիական է ադրբեջանցի հայտնի լրագրող, «Զերկալո» թերթի խմբագիր Ռաուֆ Միրկադիրովի` Հայաստանի օգտին լրտեսության մեղադրանքով մի քանի օր առաջ իրականացված ձերբակալության լույսի ներքո:
