Ռուսաստանը հարգանք է պահանջելու է Ուկրաինայի շուրջ ժնեւյան համաձայնագրերի սկզբունքների նկատմամբ եւ կտրականապես մերժելու է դրանց ուրացման բոլոր փորձերը: Այս մասին երիտասարդ դիվանագետների համաժողովին հայտարարել է ՌԴ արտաքին գործերի նախարար Սերգեյ Լավրովը:
«Ներկայացված մեղադրանքներն առ այն, թե իբր Ժնեւում ինչ-որ բան ենք ստորագրել, որ անօրինականացնում է մեր գործողությունները, բացարձակ սուտ են»,- նախարարի խոսքերն է վկայակոչել ԻՏԱՌ-ՏԱՍՍ-ը:
Լավրովի խոսքով, Ռուսաստանը, հիմնվելով համաձայնեցված փոխզիջումային մոտեցմանը, վճռական քայլեր է ձեռնարկելու Ուկրաինայում բռնկված ճգնաժամի կայունացման ուղղությամբ: «Այստեղ չեն կարող միակողմանի պահանջներ լինել, ինչը փորձում են մեր վզին փաթաթել»,-ընդգծել է ռուսական դիվանագիտության ղեկավարը:
