Իր մարմինը գիտության կարիքների համար կտակած 115-ամյա Հենդրիքյե վան Անդել-Շիփերի արյան բջիջիների գենի հետազոտությունը գիտնականներին հանգեցրել է ենթադրության, որ մարդու կյանքի տեւողությունը սահմանափակվում է արյունաստեղծ գործընթացի բնական մարելու գործընթացով:
Այդ մասին գրում է «Մոդպորտալ» պարբերականը՝ վկայակոչելով «Genome Research» ամսագրին:
Հենդրիքյե վան Անդել-Շիփերը ծնվել է 1890թ.-ին, մահացել է 2005թ.-ին 115 տարեկան հասակում, երբ մոլորակի ամենատարեց կինն էր:
Գիտնակնները վան Անդել-Շիփերի արյան մեջ առողջ լեյկոցիտներում մոտ 450 սոմատիկ մուտացիաներ են հայտնաբերել:
Մահանալիս կնոջ մոտ արյան սպիտակ բջիջների բացարձակ մեծամասնությունը միայն երկու հեմատոպոեթիկ բջիջբերից էին առաջանում:
Պաշտպանական տելոմերների երկարության որոշումը ցույց է տվել, որ դրանք 17 անգամ կարճ են գլխուղեղի բջիջների տելոմերներից: ԴՆԹ-ի տելոմերների երկարությունը կապված է մարդու կենսաբանական տարիքի հետ եւ ծերացման գործոններից մեկն է համարվում:
Նոր տեսության հեղինակները ենթադրում են, որ օրգանիզմի կյանքի տեւողության վրա ազդում են ոչ թե սոմատիկ բջջային մուտացիաների բազմացումը, այլ արյունաստեղծ գործընթացի մարումը: Հիպոթեզի հաստատման համար հետագա հետազոտություններ են հարկավոր: