12 ամիսների ընթացքում միջքաղաքային եւ միջազգային տրանսպորտի ուղեվարձը Հայաստանում էժանացել է 7,1%-ով: Այս մասին մայիսի 5-ին լրագրողներին հայտնել է ՀՀ ազգային վիճակագրական ծառայության գների վիճակագրության եւ միջազգային համադրումների բաժնի պետ Գուրգեն Մարտիրոսյանը: Ըստ նրա՝ դա հիմնականում պայմանավորված է ավիատոմսերի էժանացմամբ:
Նշենք, որ 2013 թ. հոկտեմբերին Հայաստանում «բաց երկնքի» քաղաքականության ներդրման հետեւանքով գրանցվել էր ավիատոմսերի գների զգալի նվազում:
Միեւնույն ժամանակ, հուլիսի 20-ից Երեւանում ներքաղաքական տրանսպորտի երթեւեկության սակագինն ավելացել էր 50 դրամով (ավտոբուսները եւ երթուղայինները` 150 դրամ, տրոլեյբուսը` 100 դրամ ), սակայն որոշումը ընդամենը 5 օր է գործել. աղմկոտ բողոքներից հետո քաղաքապետարանը կասեցրել էր դրա գործողությունը: