ԹՈՒՄՈ ստեղծարար տեխնոլոգիաների կենտրոնի և Հայաստանում ԱՄՆ դեսպանատան նախաձեռնությամբ «Sea2Sea» տարածաշրջանային նախագծի շրջանակում մայիսի 28-ին Երեւանում անցկացվեց «Անսահման հիփ-հոփ» մրցույթի ամփոփիչ միջոցառումը:
Միջոցառման առաջին հատվածում ելույթ ունեցավ ԱՄՆ-ից ժամանած Soul Street պարային քառյակը, ապա 19 հայ մասնակիցները, որոնց 84 հայտ ներկայացրած մասնակիցներից ընտրել էր ամերիկյան խումբը։
Նախընտրական փուլերի արդյունքներով լավագույնը ճանաչված մասնակիցները հուլիս 20-26-ը կմեկնեն Բաթում՝ մասնակցելու տարածաշրջանային գալա-ներկայացմանը։
Առաջիկա 2 շաբաթների ընթացքում Soul Street-ը կլինի տարածաշրջանի մյուս երկրներում, որտեղ նույնպես կընտրվեն լավագույնները։
Ավելի վաղ NEWS.am-ը հայտնել էր, որ մրցույթի մասնակիցներն ընտրվել են հանրապետության տարբեր քաղաքներում անցկացված նախընտրական փուլերի արդյունքներով: