ՌԴ նախագահ Վլադիմիր Պուտինը օրենք է ստորագրել Հայաստանի հետ բնական գազի, նավթամթերքի եւ չմշակված բնական ադամանդների մատակարարման բնագավառում համագործակցության մասին միջկառավարական համաձայնագրի վավերացման մասին:
Համաձայնագիրը ստորագրվել էր 2013թ. դեկտեմբերի 2-ին Երեւանում եւ նախատեսում էր Ռուսաստանից այդ ապրանքների առանց մաքսատուրքերի արտահանումը կազմակերպել նախքան ԵՏՄ-ին Հայաստանի անդամակցությունը:
Ռուսական կողմն ըստ համաձայնագրի` չի գանձի արտահանման մաքսատուրքեր ներքին սպառման նավթից եւ բնական գազից, ալմաստներից, որոնք հաստատված են ինդիկատիվ հաշվեկշիռներում:
Արգելվում է երրորդ երկրներ այն ապրանքների վերաարտահանումը, որոնք Ռուսաստանից առանց մաքսատուրքի են մատակարարվում Հայաստան:
Ըստ համաձայնագրի` կողմերի իրավասու մարմինները համաձայնեցնում են Հայաստանում նավթի եւ բնական գազի ներքին սպառման ծավալները` հաջորդ օրացուցային տարվա համար: Երկու երկրների` ՌԴ ալմաստ արդյունահանող ձեռնարկությունների եւ Հայաստանի չմշակված բնական ալմաստների վերամշակման ձեռնակությունների սուբյեկտների միջեւ կարգուկանոն եւ մատակարարումների ծավալը սահմանելու համար` պայմանագրեր են կնքվում, փոխանցում է «ՌԻԱ Նովոստին»: