Ֆինն սահմանապահները ռուսական զբոսաշրջիկների համար սահմանը հատելու մասին հատուկ տեսանյութ-ուղեցույց են պատրաստել։
YLE ռադիոկայանի փոխանցմամբ, տեսանյութը պատմում է, թե ինչպես կարելի է ճիշտ եւ արագ հատել սահմանը։
Հուլիսի 18-ին Youtube-ում տեղադրված տեսանյութը երկու շաբաթից էլ պակաս ժամանակահատվածում շուրջ 57 հազար դիտում է ունեցել:
Ֆինլանդիայի հարավ-արեւելյան սահմանապահ ծառայության մայոր Յուխա Կիվելնան ասում է, որ տեսանյութի հանդեպ հետաքրքրությունն իրենց համար հաճելի անակնկալ է եղել:
Հոլովակն օգնում է յուրացնել ֆիննական անցակետերում սահմանային հսկողության նոր ձեւաչափը, որը ներդրվելու է այս տարվա ընթացքում:
Ռուսերենով ցուցումները պահանջվելու են նաեւ հետագայում, քանի որ սահմանը հատողների 85%-ը Ռուսաստանից հյուրեր են: