Շվեդիայի Գոթլանդ կղզում միջազգային ֆեմինիստական FEMEN կազմակերպության ակտիվիստուհիները Շվեդիայի վարչապետ Ֆրեդերիկ Ռեյնֆելդտի ելույթի ժամանակ բողոքի ակցիա են կազմակերպել, հայտնում է «Ռոսիյսկայան գազետան»:
Իրավախախտներին ձերբակալել է ոստիկանությունը: Հաղորդվում է, որ վարչապետն ընտրողների հետ հանդիպմանը խոսում էր իր գլխավորած Չափավոր կոալիցիոն կուսակցության ծրագրերի մասին, երբ բեմին են մոտեցել մինչեւ գոտկատեղը մերկ չորս կանայք:
Նրանց մարմնին գրված է եղել «Օյնարեի ցուցարար» եւ «Լոբբիստներ, գնացեք տուն»: Այսկերպ աղջիկները բողոքում էին Օյնարե անտառում կրաքարի արդյունահանման դեմ:
Ակտիվիստուհիները Շվեդիայից, Ֆրանսիայից եւ Իսպանիայից են եղել:
Նրանց ձերբակալությունից հետո վարչապետին հաջողվել է ավարտել խոսքը: