Հայաստանի եւ Ադրբեջանի սահմանին հուլիսի 8-ին դիտարկում է անցկացվել :
Դիտարկումն իրականացվել է Մովսես (ՀՀ Տավուշի մարզ) եւ Ալիբեյլ գյուղերի (Ադրբեջանի Թովուզի շրջան) ուղղություններով: Այն սկսվել է 12:19-ին եւ շարունակվել մինչեւ 12:27-ը:
Հրադադարի խախտումներ այդ ընթացքում չեն եղել: Դիտարկման մասնակից խմբերի միջեւ 650 մետր հեռավորությամբ տեսողական կապ է հաստատվել: Հայկական կողմից դիտարկումն անցկացրել են ԵԱՀԿ գործող նախագահի անձնական ներկայացուցչի դաշտային օգնականներ Իրժի Աբերլեն եւ Քրիստո Քրիստովը:
Ադրբեջանի կողմից դիտարկումն անցկացրել են դաշտային օգնականներ Եվգենի Շարովը եւ Փիթեր Սվեդբերգը:
Նշենք, առավոտից ադրբեջանական կողմը կրակում է հայկական դիրքերի ուղղությամբ:
