Հայաստանի Զինված ուժերում կորուստների մեծ մասը տեղի է ունենում հակառակորդի գործողությունների հետեւանքով: Այս մասին հուլիսի 9-ին կայացած մամուլի ասուլիսում հայտարարեց ՀՀ պաշտպանության նախարար Սեյրան Օհանյանը: Նշենք, որ ասուլիսը կայացել է Ադրբեջանի հետ սահմանակից հենակետերից մեկում:
«Հայ զինվորականները, ովքեր ամենօրյա մարտական հերթապահություն են իրականացնում, հերոսներ են: Նրանք, ովքեր իրենք կյանքն են տվել, այդ արել են հանուն խաղաղության»,- նշեց նախարարը:
Պատասխանելով ղարաբաղյան հակամարտության գոտում միջազգային խաղաղարար ուժերի հնարավոր տեղակայման մասին հարցին՝ պաշտպանության նախարարն ընդգծեց, որ նման հարցը կարող է լուծվել բանակցությունների ընթացքում: Միաժամանակ, Սեյրան Օհանյանը հիշեցրեց, որ ղարաբաղյան հակամարտությունը յուրահատուկ է հենց նրանով, որ երկար ժամանակ առանց երրորդ ուժերի միջամտության հաջողվում է պահպանել դյուրաբեկ խաղաղության իրավիճակը: Ընդ որում, ուժերի հավասարակշռությունը պահպանվում է հայկական Զինուժի ոգու եւ պրոֆեսիոնալիզմի շնորհիվ:
