Հայաստանի հանրապետական կուսակցությունն այսօր՝ հուլիսի 10-ին, գործադիր մարմնի նիստ չի հրավիրելու: Այս մասին NEWS.am-ի հետ զրույցում ասաց ՀՀԿ կազմակերպչական հանձնաժողովի նախագահ, ԳՄ անդամ Ռուբեն Թադեւոսյանը:
Նրա փոխանցմամբ՝ այս շաբաթ ընդհանրապես ԳՄ նիստ չի լինելու, քանի որ երկրի նախագահ Սերժ Սարգսյանն այս պահին աշխատանքային այցով գտնվում է Հարավային Ամերիկայում:
Նշենք, որ նախագահը հուլիսի 5-ին է մեկնել Հարավային Ամերիկա: Նա հուլիսի 6-8-ը պաշտոնական այց եղել է Արգենտինայի Հանրապետությունում, հուլիսի 8-10-ը՝ Ուրուգվայի Արեւելյան Հանրապետությունում, իսկ հուլիսի 10-12-ը՝ պաշտոնական այց կկատարի Չիլիի Հանրապետություն: