Սեւաստոպոլում երեխայի մահվան փաստով քրեական գործ է հարուցվել: Փոքրիկին խեղդել է կապիկը:
Գործը քննվելու է անզգուշությամբ մահվան հասցնելու մասին հոդվածով: Այս մասին գրում է Росбалт-ը:
Հետաքննության տվյալներով, հուլիսի 9-ի երեկոյան Սեւաստոպոլի մերձակայքում գտնվող Կաչա ավանում փոքրիկ կենդանաբանական այգուց, որը մասնավոր տանը հիմնել է մի թոշակառու, վանդակը մաքրելու ժամանակ կապիկը դուրս է փախել: Կենդանին անցել է հարեւան այգի, որտեղ սայլակում քնած է եղել 1.5 ամսական երեխան: Կապիկը հարձակվել է տղայի վրա եւ նրան մահացու վնասվածքներ պատճառել:
Քննչական կոմիտեի փոխանցմամբ, կենդանուն արդեն բռնել են: