Հայաստանի վարչապետ Հովիկ Աբրահամյանը Սոչիում իր ռուսաստանցի գործընկեր Դմիտրի Մեդվեդեւի հետ կքննարկի տնտեսության, ներդրումների, արդյունաբերության, էներգետիկայի, ենթակառուցվածքների եւ այլ ոլորտներում երկկողմ համագործակցությանը վերաբերող հարցեր: Այս մասին հաղորդում է ԻՏԱՌ-ՏԱՍՍ-ը:
Բացի այդ, երկու երկրների վարչապետները նախատեսում են քննարկել եվրասիական տնտեսական ինտեգրացիային Հայաստանի մասնակցության հնարավորությունները:
Հայաստանի կառավարության մամուլի ծառայությունից հայտնում են, որ Աբրահամյանը նախատեսում է նաեւ ծանոթանալ օլիմպիական գյուղի ենթակառուցվածքներին: ՀՀ վարչապետի հետ Սոչի կայցելեն նաեւ տարածքային կառավարման նախարար, փոխվարչապետ Արմեն Գեւորգյանը, ֆինանսների, էնեգետիկայի, առողջապահության նախարարները, ինչպես նաեւ Հայաստանի միգրացիոն ծառայության ղեկավարը:
