Հուլիսի 10-ին, ժամը 01.14-ին ահազանգ է ստացվել, որ հրդեհ է բռնկվել Երեւանի Նորագավիթի 3-րդ փողոցի տներից մեկի տանիքում:
Հայաստանի ԱԻՆ փրկարար ծառայությունից հայտնում են, որ դեպքի վայր է մեկնել երկու մարտական հաշվարկ:
Շուտով հաստատվել է հրդեհի բարդության «բիս-1» աստիճան:
Դեպքի վայր են մեկնել եւս երկու մարտական հաշվարկ, ՃԿԿ օպերատիվ եւ արձագանքման խմբերը:
Հրդեհը մեկուսացվել է ժամը 01.50-ին, մարվել` 02.08-ին:
Այրվել են Ս. Կ.-ին պատկանող թիվ 16/3 տան տանիքի փայտե կառուցատարրերը` 150 քմ: