Human Rights Watch միջազգային իրավապաշտպան կազմակերպությունը հայտնում է Իրաքում 250 սունի ապստամբների նկատմամբ հաշվեհարդարի մասին. ըստ իրավապաշտպանների`զանգվածային սպանության պատասխանատվությունը կրում են երկրի բանակը եւ ինքնապաշտպանության ջոկատները, փոխանցում է, BBC-ի ռուսական ծառայությունը:
HRW-ում նշում են, որ զինվորական ղեկավարությունը կարող էր այդ քայլը ձեռնարկել`ի պատասխան հյուսիսից «Իրաքի եւ Շամի իսլամական պետության» սունի գրոհայինների հարձակման:
Կազմակերպությունում վստահ են, որ Իրաքի բանակը, որի զինվորների մեծամասնությունը շիաներ են, հունիսին զանգվածային սպանություն էին իրականացրել վեց բնակավայրերում:
Human Rights Watch –ը հիշեցնում է, որ ռազմագերիների սպանությունը միջազգային իրավունքի կոպիտ խախտում է: