Ստամբուլի Զեյթինբուրնու շրջանում պայթյուն է որոտացել, մեծ թվով բնակիչներ են տուժել։
Էպիկենտրոնը գտնվել է բնակելի շենքի առաջին հարկում, որին կից գտնվում է տրամվայի կանգառը։ Դեպքի վայրում աշխատում են բժիշկներն ու հրշեջները։
Նախնական վարկածով՝ պայթել է կենցաղային գազի բալոնը։ Շենքի ծածկը մասնակի փլուզվել է, վնասվել են շրջակա շենքերը եւ տրանսպորտային միջոցները, փոխանցում է ԻՏԱՌ-ՏԱՍՍ-ը։
Ուրբաթ օրը նման դեպք էր կատարվել Դենիզլի քաղաքում։ Զոհվել էր մեկ, տուժել՝ 25 մարդ։ Պայթյունի պատճառը գազի բալոնի ինքնաբուխ պայթյունն է եղել։