Բուլղարիայում Ստարա Զագորա քաղաքի մերձակայքում գնացքի վթարի հետեւանքով մեքենավարը մահացել է: 14 ուղեւորներ տարբեր ծանրության վնասվածքներ են ստացել:
Բուլղարական Focus գործակալության փոխանցմամբ, գնացքը մայրաքաղաք Սոֆիայից ուղեւորվում էր դեպի ծովափնյա Բուրգաս քաղաք:
Ներկայում վթարի վայրում աշխատում են ոստիկաններն ու բժիշկները: Պատահարի պատճառների մասին առայժմ ոչինչ չի հաղորդվում: Վթարի վայր են ժամանել Բուլղարիայի ՆԳՆ գլխավոր քարտուղար Սվետլոզար Լազորովը եւ տրանսպորտի նախարար Դանաիլ Պապազովը:
