Իրանը միջուկային զենք մշակելու կարիք չունի: Այս մասին հայտարարել է Իրանի ԱԳ նախարար Մոհամմադ Ջավադ Զարիֆը:
Նախարարի խոսքով, ներկայում Իրանն «ավելի ուժեղ, հարուստ եւ զարգացած է», քան տարածաշրջանի իր հարեւանները, այդ պատճառով կարող է իր ազդեցությունն ապահովել նաեւ առանց միջուկային զինանոցի:
NBC հեռուստաալիքի փոխանցմամբ, Զարիֆը նաեւ հավելել է, որ Թեհրանը կձեռնարկի անհրաժեշտ բոլոր քայլերը՝ համաշխարհային հանրությանն ապացուցելու համար, որ նման զենք չի մշակում:
Հուլիսի 13-ին միջազգային միջնորդների «վեցյակը» Վիեննայում շարունակելու է բանակցությունները՝ Իրանի միջուկային խնդրի շուրջ համաձայնության հասնելու համար: Արտգործնախարարների մակարդակով Վիեննայում ներկայանալու են Մեծ Բրիտանիան, Ֆրանսիան, Գերմանիան եւ Միացյալ Նահանգները: