Հուլիսի 12-ին Տրուդովսկայա հանքի բնակելի ավանի ռմբակոծության հետեւանքով 12 մարդ է մահացել: Դոնեցկի քաղաքային խորհուրդը ցավակցություն է հայտնել զոհերի հարազատներին եւ մտերիմներին: Այս մասին տեղեկացվում է Դոնեցկի քաղաքային խորհրդի ղեկավար Ալեքսանդր Լուկյանչենկոյի պաշտոնական կայքում:
«Ընդհանուր առմամբ, ժամը 12:00-ի դրությամբ, իրավիճակը քաղաքում շարունակում է լարված մնալ: Կենսապահովման համակարգերն աշխատում են բնականոն ռեժիմով»,- ասված է հաղորդագրությունում:
Հաղորդվում է նաեւ, որ հասարակական տրանսպորտը գործում է «հանգստյան օրվա» գրաֆիկի համաձայն:
