Պարզվում է՝ Գերմանիայի բնակիչները հակված չեն արձակուրդի ընթացքում տնտեսել: Tripadvisor հարցումների համաձայն, եվրոպացիների շրջանում հենց գերմանացիներն են ամենից առատաձեռնը թեյավճար թողնելու հարցում:
Միջազգային մակարդակով առաջատարն ամերիկացիներն են, իսկ գերմանացիները վստահորեն զբաղեցնում են երկրորդ տեղը: Գերմանիայի բնակչության շուրջ կեսը՝ 49%-ը, միշտ առատ թեյավճար է թողնում: Այս մասին գրում է Euromag-ը՝ հղում կատարելով Berliner Zeitung-ին:
Համեմատության համար նշենք, որ իսպանացիներն առատ թեյավճար են թողնում միայն 30% դեպքերում, ռուսները՝ 28%, բրիտանացիները՝ 26%, իսկ իտալացիները՝ 11% դեպքերում:
