Ուկրաինայի Ան-26-ը խփել են զենիթահրթիռային անհայտ համալիրով, որը նախկինում չկար ռուսամետ ակտիվիստների սպառազինությունում, փոխանցում է ՈՒՆՆ-ն` վկայակոչելով Ուկրաինայի հակաահաբեկչական կենտրոնի գրասենյակը:
«Այժմ հայտնի է, որ օդանավը խփել են զենիթահրթիռային համալիրով: Սակայն սա նոր լուրջ զենք է` «Բուկ» զենիթային համլիրի նման: Քանի որ բարձրությունը, որի վրա օդանավը կատարում էր առաջադրանքը, թույլ չէր տա սովորական զենիթահրթիռային համալիրներին ոչնչացնել թիրախը: Այդ պատճառով էլ մի քանի վարկած է դիտարկվում: Այդ թվում նաեւ այն հնարավորությունը, որ օդանավը կարող էին խփել հարեւան պետությունից: Սակայն ընդգծում ենք` ողջ տեղեկատվությունը ստուգվում է», — ընդգծել են գրասենյակում:
Այնտեղ նաեւ նշել են, որ տվյալ պահին օդանավի եւ դրա անձնակազմի ճակատագիրն անհայտ է:
Ավելի վաղ Լուգանսկի մարզում ԱՆ-26-ի անձնակազմը դուրս չէր եկել կապի:
Ուկրաինայի նախագահ Պյոտր Պորոշենկոն նաեւ հայտարարել է, որ վերջին երեք օրերին ուժայինների դիրքերի ուղղությամբ կրակել են նոր ռուսական հրթիռային համակարգից:
