Քալիֆորնիայի Imperial Beach լողափին կայացել է Surf Dog Competition շների սերֆինգի ավանդական առաջնությունը:
Խոշոր ցեղատեսակների շների շարքում առաջին տեղը զբաղեցրել է Հանզո մականվամբ շունը, որը դարձել է նաեւ «տանդեմ» անվանակարգի մրցանակակիր:
Միջին ցեղատեսակի շների մրցույթում հաղթել է Ռիկոշետ անունով շունը: Փոքր ցեղատեսակների շարքում լավագույն սերֆեր է դարձել Զիգգի շունը: Մրցանակակիրների ցեղատեսակները չեն նշվում:
Յուրաքանչյուր անվանակարգի հաղթողները մրցանակ են ստացել՝ 250 դոլարի քարտ Petco-ից:
Շների տերերը նախապես իրենց կենդանիներին պատրաստել են Surf Dog Competition մրցույթին, մարզել նրանց եւ ելույթի հագուստներ կարել, փոխանցում է «Ռոսբալտը»: