Չինաստանի արեւմտյան Սինցզյան շրջանի բռնության բարձր ցուցանիշով հայտնի քաղաքում արգելել են լուցկիները եւ ոչնչացրել լուցկու 20 հազար տուփ՝ ահաբեկչության դեմ պայքարի շրջանակում, փոխանցում է Reuters-ը:
Մարզկենտրոն Ուրումչիից ոչ հեռու գտնվող Ֆուկան քաղաքը որոշել է շրջանառությունից հանել բոլոր լուցկիները, որպեսզի դրանք չօգտագործվեն «ահաբեկչական խմբերի կամ առանձին ծայրահեղականների կողմից՝ հանցավոր գործունեության նպատակներով»: Ոստիկանությունը ոչնչացրել է լուցկու 20223 տուփ, որպեսզի քաղաքում խաղաղ դրություն պահպանվի:
Նշենք, որ Չինաստանն ուժեղացնում է անվտանգության միջոցառումները՝ ողջ երկրում արյունալի իրադարձություններից հետո, որոնք կենտրոնացած են Սինցզյանում, որտեղ ապրում են մահմեդական ույգուրները: Չինաստանը հարձակումներում մեղադրում է տարածաշրջանի իսլամիստ անջատականներին, որոնք ցանկանում են Արեւելյան Թուրքստան անվամբ անկախ պետություն ստեղծել: