Արտասահմանյան դեսպանատները Լոնդոնի տրանսպորտային համակարգին ավելի քան 82 մլն ֆունտ ստեռլինգ (142 մլն դոլար) են պարտք քաղաքի կենտրոն մուտք գործելու վճարը չկատարելու համար:
Ամենաանբարեխիղճ չվճարողների թվում են ռուս դիվանագետները, ովքեր 10 տարվա ընթացքում կուտակել են 5 մլն 200 հազար ֆունտ:
Ամենաշատը ամերիկացիների պարտքն է (մոտ 9 մլն ֆունտ), եւ ճապոնացիներինը (6 մլն):
Վճարից հրաժարվող դիվանագետները մատնանշում են, որ Լոնդոնի կենտրոն մուտք գործելը փաստացի հարկ է, իսկ օտարերկրյա դիվանագետները ազատվում են բրիտանական հարկերից:
Քաղաքի տրանսպորտային համակարգի ներկայացուցիչները հակաճառումեն. կենտրոն մուտք գործելու համար գանձվող վճարը քաղաքի իշխանությունների կողմից ավտոմոբիլիսնտերին տրամադրվող ծառայություն է, այլ ոչ թե հարկ: Արտասահմանյան դեսպանատների մի մասը իրականում ճանաչում է այս բացատրությունը եւ իր աշխատակիցների պարտավորեցրել է վճարել մուտքի համար, հաղորդում է BBC-ի ռուսական ծառայությունը:
Քաղաք մուտք գործելու վճարը Լոնդոնում ներդրվել էր 2003թ., այն գործում է աշխատանքային օրերին՝ 07:00-ից մինչեւ 18:00-ը եւ արժե 11,50 ֆունտ ստեռլինգ յուրաքանչյուր ավտոմեքենայի համար: