Գերմանական BMW ավտոկոնցեռնն ամբողջ աշխարհից ավելի քան 1.6 մլն ավտոմեքենա է հետ կանչում՝ անվտանգության բարձիկներում հայտնաբերված թերության պատճառով: Այս մասին ասվում է ընկերության տարածած հայտարարությունում:
Այս ակցիայում ներառվում են 1999 թվականի մայիսից մինչեւ 2006 թվականի օգոստոսն ընկած հատվածում արտադրված ավտոմեքենաները:
Ընկերությունում նշում են, որ առջեւի ուղեւորի անվտանգության բարձիկում թերություն է հայտնաբերվել, ինչի արդյունքում հազվադեպ պարագաներում այն կարող է պայթել: Ընդ որում, ավտոկոնցեռնն ընդգծում է, որ պատասխանատվությունն ընկնում է ավտոմասերի մատակարար ընկերության վրա: Վերջինի անունը չի հաղորդվում:
