«Վիմ-Բիլ-Դան»-ի հիմնադիր, «Համակարգ» ռուսական ֆինանսա-արդյունաբերական խմբի խորհրդի անդամ Դավիդ Յակոբաշվիլին դիմել է Լոնդոնի դատարան՝ Financial Times թերթի դեմ հայցով:
Հայցը կապված է հուլիսի 14-ին Financial Times – ում հրապարակված «Leading Russian entrepreneur blasts Kremlin’s offshore crackdown» վերնագիրը կրող հարցազրույցի հետ: Գործարարը կարծում է, որ տվյալ նյութը խեղաթյուրում է իր հայտարարությունների իմաստը, հաղորդում է «ԻՏԱՌ-ՏԱՍՍ»-ը:
«Տվյալ նյութը բարոյագիտական նորմերի կոշտ խախտում է. իմ խոսքերն ու ասվածի իմաստը խեղաթյուրված են: Ռուսաստանի նախագահ Վլադիմիր Պուտինի քննադատությանը վերաբերող ձեւակերպումները պարզապես սուտ են», - «ԻՏԱՌ-ՏԱՍՍ»-ին հայտարարել է Յակոբաշվիլին:
Գործարարն ավելացրել է, որ թերթը հրաժարվել է փոխել նրա կողմից հայտնած մտքերի խեղաթուրված ձեւակերպումները, այլ միայն վերնագրում Ռուսաստանի նախագահի ազգանունը փոխել է Կրեմլի: