Հայաստանի տնտեսական մրցակցության պաշտպանության պետական հանձնաժողովը կուսումնասիրի սուպերմարկետների վճարումները փոքր արտադրողներին: Այդ մասին NEWS.am-ի թղթակցին հայտնել է Հանձնաժողովի նախագահ Արտակ Շաբոյանը: «Ավելի վաղ մենք ուսումնասիրել ենք հարցն այն մասին, թե որքան ուշադիր են գերակայող սուբյեկտները փոքր արտադրողների վճարումնարի հարցում: Ստանալով վերջիններիս ազդանշանը՝ մենք նման աշխատանք կիրականացնենք, քանի որ վճարումների հետաձգումը, եթե հայտնաբերվի, գերակա դիրքի չարաշահում է»,- նշել է Շաբոյանը:
Հիշեցնենք, որ մի քանի օր առաջ Շաբոյանը հանդիպել է փոքր եւ միջին բիզնեսի ներկայացուցիչների հետ: Կաթնամթերքի եւ քաղցրավենիքի փոքր արտադրողները մտահոգություն են հայտնել մանրածախ առեւտրի ցանցերի կողմից անժամանակյա վճարումների կապակցությամբ:
Այս պահին Հայաստանում մանրածախ առեւտրում գերիշխում են «Ալեքս Գրիգ» ՍՊԸ-ն «Երեւան Սիթի» ապրանքանիշով, «Սաս Գրուպ» ՍՊԸ-ն, «Նոր Զովք» ՍՊԸ-ն, «Էվրիկա Գրուպ» ՍՊԸ-ն: Հանձնաժողովը պատրաստվում է դրանց շարքում դասել նաեւ նոր «Կրպակ» ցանցը: