Մոսկվայում հուլիսի 15-ին ձերբակալված ռուսաստանաբնակ հայ բարերար Լեւոն Հայրապետյանի առողջական վիճակը բավարար է: Այս մասին տեղեկանում ենք գործարարի ֆեսյբուքյան էջից:
«Այս պահին Հայրապետյանին մեկուսարանում զննել է բուժաշխատողը, հատկացրել են անհրաժեշտ ինսուլինը, առողջությունը բավարար է»,- ասվում է գրառման մեջ:
Նշենք, որ Լեւոն Հայրապետյանի մտերիմ ընկեր Մացակ Փոլադյանը NEWS.am-ին հայտնել էր, որ բարերարի կյանքին վտանգ է սպառնում, քանի որ նրան ինսուլին է անհրաժեշտ:
Հիշեցնենք, որ Ռուսաստանի Քննչական կոմիտեն Լեւոն Հայրապետյանին մեղադրանք է առաջադրվել երկու հոդվածներով` ՌԴ քրեական օրենսգրքի 160-րդ (վատնում) եւ 174-րդ (հանցավոր ճանապարհով ստացված եկամուտների օրինականացում) հոդվածներով: