Գիտնականները հետազոտություն են անցկացրել՝ ցույց տալու համար, արդյո՞ք մարիխուանայի օգտագործումը կարող է պարանոյա առաջացնել. տանջող մտքեր այն մասին, որ շրջապատը ցանկանում է ձեզ վնաս պատճառել: Ըստ Газета.Ру-ի, այդ հաստատող հետազոտության արդյունքները հրապարակվել են Schizophrenia Bulletin ամսագրում:
Գիտափորձին մասնակցել է 21-50 տարեկան 121 մարդ: Բոլորն էլ խոստովանել են, որ իրենց մոտ երբեմն նման մտքեր ծնվում են: Փորձի մասնակիցների մի մասին տետրահիգրոկաննաբիոիդ են (ТНС) ներարկել՝ մարիխուանայի ներազդող նյութը, մյուս մասին՝ պլացեբո:
Միեւնույն պայմաններում, որոնք որոշակի կենսական պայմաններ են ապահովել, գիտափորձի՝ ТНС ստացած մասնակիցների 50%-ը տեղեկացրել է պարանոյայի նշանների մասին, իսկ պլացեբո ստացածների խմբում պոտենցիալ պարանոյիկների թիվը կազմել է 30%:
Հետազոտությունը նաեւ ցույց է տվել, որ մարիխուանայում առկա բաղադրիչը մեծացնում է վախը, անհանգստությունը, ուժեղացնում է բացասական մտքերն ու դեպրեսիայի հակումը, ինչպես նաեւ նվազեցնում է աշխատանքային հիշողության հնարավորությունը: