«Օրինաց երկիր» կուսակցության այսօր՝ հուլիսի 18-ին, էլեկտրաէներգիայի թանկացման դեմ նախաձեռնած հանրահավաքին Ազատության հրապարակում հավաքվել է ընդամենը մի քանի տասնյակ մարդ։
NEWS.am-ի թղթակիցը հաղորդում է, որ ժամը 18:40-ի դրությամբ՝ Ազատության հրապարակում շատ քիչ թվով մարդիկ են հավաքվել՝ ընդամենը մեկ-երկու դրոշակներով եւ պաստառներով։
Հրապարակում մեծ մասամբ ոստիկանները, լրագրողներն ու կենտրոնում պարզապես զբոսնող մարդիկ են։
Դեռ հայտնի չէ, թե երբ կսկսվի հանրահավաքը։ Այստեղ չեն նաեւ ՕԵԿ-ական պատգամավորներն ու ՕԵԿ նախագահ Արթուր Բաղդասարյանը։
Նշենք, որ այսօրվա հանրահավաքով ՕԵԿ-ն իր դժգոհությունն է հայտնում օգոստոսի մեկից թանկացող էլեկտրաէներգիային։