Հայաստանի տարածքով իրանական գազի տարանցման համար այդ նպատակին համապատասխան ենթակառուցվածքներ են անհրաժեշտ: Իրան-Հայաստան գազատարն այդպիսին չէ: Այս մասին մամուլի ասուլիսում հայտարարեց Հայաստանում Իրանի դեսպան Մոհամմադ Ռեիսին:
Հարցին, թե ինչու երկիրը չի ստեղծում նման ենթակառուցվածքներ եւ հնարավո՞ր է, որ հայկական իշխանություններն այդ չեն անում՝ Ռուսաստանի հետ հարաբերությունները չփչացնելու մտավախությունից ելնելով, դեսպանը պատասխանեց, որ նման բան չկա. «Իրան-Հայաստան գազատարը կառուցվել է այն ժամանակի չափանիշներով, որոնք այդ ժամանակահատվածում բխում են Հայաստանի շահերից: Իսկ հիմա տարանցիկ ենթակառուցվածքներ ապահովելու համար մեծածավալ ներդրումներ եւ ժամանակ է հարկավոր»:
Խոսելով ռուսական մատակարարումների փոխարեն Իրանի կողմից այլընտրանքի ստեղծման հեռանկարների մասին, դեսպանը նշեց, որ Իրանը լավ հարաբերություններ ունի Ռուսաստանի հետ, եւ երկու երկրները կարող են համագործակցել էներգակիրների մատակարարման հարցում: