Իսպանացի զույգին Կոլոմբիայում բռնել են երկրից նորածնի դուրս բերելու փորձի համար։ Նրանց կասկածում են իսկական ծնողներից երեխային գնելու մեջ, ուրբաթ հայտնել են հարավամերիկյան երկրի միգրացիոն իշխանությունները։
Խոսքը 45 տարեկան տղամարդու եւ 42 տարեկան կնոջ մասին է, որոնք փորձում էին Բոգոտայից Մադրիդ թռչել երեխայի հետ, փոխանցում է La Segunda-ն։
Ըստ իշխանությունների՝ երեխայի համար ծնողներին վճարվել է 18 հազար եվրո, եւս 1,2 հազար եվրո տվել են բժշկին, որը հանդես էր եկել միջնորդի դերում։
Այժմ իսպանացիներին երեխաների առեւտրի մեղադրանք է ներկայացվել։ Երեխան ջրազրկված վիճակում էր, այժմ նրան տեղափոխել են հիվանդանոց, փոխանցում է «ՌԻԱ Նովոստին»։
2013թ. Կոլոմբիայի միգրացիոն իշխանությունները կեղծ փաստաթղթերով երեխաների տեղափոխման 48 փորձ են կանխարգելել, իսկ ընթացիկ տարում՝ 36։