«Իսլամական պետություն» խմբավորման կրոնամոլները Սիրիայի հյուսիսում կնոջը միջնադարյան պատժի են ենթարկել, ում շարիաթի դատարանը մեղադրում էր ամուսնական անհավատարմության մեջ: Բռնության զոհ է դարձել Եփրատի վրա գտնվող Թաբքա քաղաքի 30-ամյա բնակչուհին, հաղորդում է «Ալ-Արաբիա» հեռուստակայանը: Կնոջը որպես թիրախ կապել են շուկայի հրապարակում եւ սկսել են քարեր նետել: Հրապարակային պատժին մասնակցել են ԻՊ գրոհայիններ, սակայն վկաներ են դարձել հրապարակ դուրս եկած տեղի բնակիչները, հաղորդում է ԻՏԱՌ-ՏԱՍՍ-ը:
Իսլամիստների կողմից գրավված Ռաքքա նահանգում սա իսլամական բարոյականությունը խախտողների նման պատժի առաջին դեպքը չէ: Մեղք է համարվում անգամ սոցցանցերի օգտագործումը: Փետրվարին նման «հանցագործության» համար քարերով ծեծի են ենթարկել 20-ամյա աղջկա:
