Հայրապետյանի կալանքը ձեռնտու էր ՌԴ-ի թուրքական շրջանակներին, հուլիսի 19-ին լրագրողներին հայտնել է սոցիոլոգ Ահարոն Ադիբեկյանը։ Ըստ նրա՝ Հայրապետյանի «մեղքն» այն է, որ հավակնում էր մտնել Ռուսաստանի նավթային բիզնես, որտեղ ավանդաբար ուժեղ են ադրբեջանցիների եւ թյուրքալեզու այլ ժողովուրդների դիրքերը։
«Թեեւ Ռուսաստանը մեր դաշնակիցն է, բայց երբ հարցը հասնում է փողին, այլ կանոններ են սկսում գործել։
Աղնուհացը միասին, իսկ թութունը առանձին։ Որպես կանոն, ընդունված է, որ հայերը լինեն բանկային հատվածում, շինարարությունում, բարձր տեխնոլոգիաներում, բայց ոչ նավթագազային ոլորտում։ Սա էլ հենց դժգոհություններ է հարուցել», - հայտարարել է Ադիբեկյանը։
Հայրապետյանի դեմ հարձակման առիթը, ըստ սոցիոլոգի, նրա մասնակցությունն էր «Բաշնեֆտ»-ի բաժնետոմսերը ԱՖԿ «Սիստեմային» վաճառելու գործարքին։
Հիշեցնենք, ռուսաստանցի հայ գործարար Լեւոն Հայրապետյանը ձերբակալվել էր հուլիսի 15-ին՝ փողերի լվացման մեղադրանքով։