ԱՄՆ-ի Վաշինգտոն նահանգի կենտրոնում եւ արեւելքում նախորդ շաբաթ սկսված անտառային բնական հրդեհները սաստկանում են։ Դրան նպաստում են չորային շոգ եղանակը եւ ուժեղ քամին։

Նախօրեին Մեթոու հովտում կրակը բնակելի երկու շենք էր ոչնչացրել։ Չճշտված տվյալներով՝ կարող են վնասված լինել եւս ութ շինություններ, գրում է The Seattle Times-ը։

Բռնկումների մեծ մասի պատճառը կայծակի հարվածներն էին եղել։ Ամենաուժեղ հրդեհներից մեկը մոլեգնում է Օքանոգան-Վենթաչի բնական արգելոցում։ Լիվենվորթ քաղաքում տարհանվել է 900 շենք, փոխանցում է Gismeteo-ն։

«Միլլ քենիոն» անունով ավելի խոշոր հրդեհը 9 հազար հա-ից ավելի անտառային տարածք է ոչնչացրել Կոլումբիա գետի երկայնքին։ Հրդեհը տեղայնացվել է 40 %-ով։