Վրաստանի նախագահ Գեորգի Մարգվելաշվիլին համարում է, որ ՆԱՏՕ-ն պետք է ճանաչի Վրաստանի առաջընթացը ոչ միայն կարգախոսերով, այլ նաեւ ապահովի իրական ինտեգրացում դաշինքի հետ եւ երկրի պաշտպանության ուժեղացում: Այդ մասին երկրի ղեկավարը հայտարարել է «Աջարիա» հեռուստաալիքի եթերում:
«Վրաստանը մեծ նշանակություն ունի ՆԱՏՕ-ի համար եւ ոչ միայն այն պատճառով, որ մենք միեւնույն արժեքներն ենք կիսում: Մեր երկիրը լուրջ աշխարհաքաղաքական դեր ունի տարածաշրջանում եւ ռազմա-քաղաքական այդ կողմի համար մեր տարածաշրջանում կայունությունը մեծ նշանակություն ունի»,- նշել է նախագահն ու հավելել, որ Վրաստանը ՆԱՏՕ-ից իրական եւ գործնական քայլեր է սպասում: Բացի այդ Գեորգի Մարգվելաշվիլին պատմել է Վրաստանի եւ Ռուսաստանի փոխհարաբերությունների մասին ԵՄ հետ ասոցացման համաձայնագրի կնքումից հետո, հաղորդում է «Грузия On-line»-ը:
Նրա խոսքով՝ համաձայնագրի տնտեսական մասը չի խոչընդոտում հյուսիսային հարեւանի հետ առեւտրական փոխհարաբերություններին: