Տավուշի մարզի Կոթ գյուղում այսօր՝ հուլիսի 21-ին ողբերգական ավտովթար է տեղի ունեցել, ինչի հետեւանքով մահացել է մեքենայի 21-ամյա վարորդ Սամվել Ոսկանյանը: Այս մասին NEWS.am-ին հայտնեց Կոթի գյուղապետ Ֆելիքս Մելիքյանը:
Դեպքը տեղի է ունեցել գիշերը 03:30-ի սահմաններում: 21-ամյա Սամվել Ոսկանյանը Կոթի գյուղի կենտրոնական փողոցում իր վարած ավտոմեքենայով դուրս է եկել հանդիպակաց երթևեկելի գոտի, բախվել մետաղյա արգելապատնեշներին, այնուհետեւ՝ գազի խողովակաշարին: Սամվելը տեղում մահացել է:
Գյուղապետի խոսքով՝ Սամվել Ոսկանյանը սովորում էր Երեւանի պետական համալսարանի Իջեւանի մասնաճյուղում, մեկ տարի առաջ էր զորացրվել: