Վրաստանի վարչապետ Իրակլի Ղարիբաշվիլին հուլիսի 21-ին հայտարարել է կառավարությունում կադրային փոփոխությունների մասին՝ 6 նախարար եւ մեկ պետնախարար ազատվել են աշխատանքից, հաղորդում է «Վրաստանի նորությունները»:
Մասնավորապես, կադրային փոփոխությունները վերաբերվել են մշակույթի եւ հուշարձանների պահպանության նախարար Գուրամի Իդիշարիային, շրջակա միջավայրի եւ բնական ռեսուրսների նախարար Խաթուն Գոգալաձեին, փախստականների, վերաբնակեցման եւ պարտադրաբար տեղահանցվածների գծով նախարար Դավիդ Դարախվելիձեին, գյուղատնտեսության նախարար Շալվու Պիպիային, տարածաշրջանային զարգացման եւ ենթակառուցվածքների նախարար Էլագաջ Խոկրիշվիլիին, Պատիժների կրելու եւ իրավական օգնության հարցերով նախարար Սոզար Սուբարի եւ սփյուռքի հարցերով պետնախարար Կոնստանտին Սուրգուլաձեին:
Ընդ որում, ինչպես հայտարարել է վարչապետը, Սուբարին կզբաղեցնի Վրաստանի գրավված տարածքներում փախստականների, վերաբնակեցման եւ պարտադրաբար տեղահանվածների հարցերոց նախարարի պաշտոնը, իսկ Խոկրիշվիլին կգլխավորի Վրաստանի շրջակա միջավայրի եւ բնական ռեսուրսների նախարարությունը:
