ՌԴ Պետդումա օրինագիծ է բերվել, որի համաձայն՝ Ռուսաստան մուտք գործելիս ներգաղթյալները պարտադիր պետք է լուսանկարվեն եւ մատնահետք հանձնեն:
Росбалт-ի փոխանցմամբ, Միգրացիոն դաշնային ծառայության տվյալներով, միայն 2013 թվականի 6 ամիսների ընթացքում Ռուսաստանում շուրջ 120 հազար ապօրինի ներգաղթյալ է հայտնաբերվել, 130 հազար օտարերկրացու համար երկիր մուտքն արգելվել է:
«Մատնահետքեր վերցնելու արդյունքում կմեծանա ոչ միայն Ռուսաստանի քաղաքացիների, այլեւ երկրի հյուրերի անվտանգության մակարդակը: Այն ներքին գործերի մարմիններին լրջորեն կօգնի հանցագործությունների կանխարգելման, բացահայտման եւ հետաքննության հարցում»,- նշված է նախագծին կից ներկայացված բացատրական գրառման մեջ:
