Վերջին օրերի ընթացքում «Թալիբան» շարժման առնվազն 38 զինյալներ չեզոքացվել են Աֆղանստանում բանակի, ոստիկանության եւ երկրի հատուկ ծառայությունների համատեղ հակաահաբեկչական գործողությունների արդյունքում, հաղորդում է «ՌԻԱ Նովոստին»՝ վկայակոչելով Khaama Press գործակալությանը:
Գործողությունը իրականացվել է երկրի մի քանի նահանգներում: Երկրի ՆԳՆ-ը հաղորդում է, որ 13 զինյալներ վիրավորվել են, 3-ը՝ ձերբակալվել:
Մայիսին «Թալիբանի» զինյալները հայտարարել էին Աֆղանստանում ՆԱՏՕ-ի 13-ամյա ռազմական առաքելության վերջնական ավարտից առաջ արտասահմանյան պետությունների զինված ուժերի վրա վերջին հարձակում սկսելու մասին: ՆԱՏՕ-ի 51 հազարանոց զորքի դուրսբերումը նախատեսվում է 2014թ. դեկտեմբերին:
