Փենսիլվանիայի տրանսպորտի բաժինը վաճառքի է հանել պատմական 11 կամուրջ: Կամուրջներից մեկը 111 տարեկան է, մյուսը՝ 115, փոխանցում է Reuters-ը:
Փենսիլվանիայի տրանսպորտի բաժինը փորձում է փրկել Պատմական վայրերի ազգային ռեգիստրում ընդգրկված կամուրջները, որոնք չեն համապատասխանում ժամանակակից տրանսպորտային երթեւեկության պահանջներին: Գները տատանվում են 1-ից մինչեւ 500 դոլարի սահմաններում, իսկ կամուրջների տեղափոխման ծախսերը հաճախ վճարում է Ճանապարհային դաշնային վարչությունը:
Գնորդը պետք է կամուրջը գործածության մեջ դնի մեկ այլ վայրում եւ վճարի դրա հետ կապված բոլոր ծախսերը: «Դրանք չի կարելի որպես մետաղի ջարդոն վաճառել: Դրանք պետք է վերանորոգվեն եւ պահպանվեն», – ասել է տրանսպորտի բաժնի մամուլի քարտուղարը: