Հուլիսի 22-ին ոստիկանության Չարենցավանի բաժնում հաղորդում է ստացվել, որ «Օպել Վեկտրա» մակնիշի ավտոմեքենան ժամը 21.00-ի սահմաններում Երեւան-Սեւան ավտոճանապարհի 29-րդ կմ հատվածում բախվել է դիմացից ընթացող «ԿամԱԶ»-ի հետնամասին:
Ոստիկանության մամուլի ծառայությունից հայտնում են, որ «Օպել Վեկտրա»-ի վարորդը` 26-ամյա Էդգար Վարդանյանը, մարմնական վնասվածքներով տեղափոխվել է «Սուրբ Գրիգոր Լուսավորիչ» բժշկական կենտրոն, որտեղ մահացել է:
Նշանակվել է դատաբժշկական փորձաքննություն:
Ոստիկանության Չարենցավանի քննչական բաժանմունքում նախապատրաստվում են նյութեր:
