Թուրքիայում առաջիկա նախագահական ընտրություններից առաջ հայտնի է դարձել նախագահի 3 թեկնածուներից 2-ի ստացած նվիրատվությունները։

Թուրքական T24.com կայքի փոխանցմամբ՝ Թուրքիայի իշխող կուսակցության նախագահի թեկնածու Ռեջեփ Թայիփ Էրդողանին ժողովրդի կողմից տրված նվիրատվությունների չափը դեռ հայտի չէ, սակայն ընդդիմության միասնական թեկնածու Էքմելեդին Իհսանօղլուին եւ «Ժողովուրդների դեմոկրատական» կուսակցության կողմից առաջադրված Սելահաթին Դեմիրթաշին տրված նվիրատվություններն արդեն հայտնի են։

Ընդդիմադիր «Ժողովրդա-հանրապետական» կուսակցության կողմից ընդդիմության միասնական թեկնածու առաջադրած Էքմելեդին Իհսանօղլուին նվիրատվություն է արել 2 հազար 172 քաղաքացի, իսկ նվիրատվության չափը կազմել է 2 մլն 130 հազար լիրա։

Էքմելեդին Իհսանօղլուն հատուկ ժեստ է արել եւ իր նվիրատվությունից 1000-ական լիրա փոխանցել է Էրդողանի եւ Դեմիթաշի հաշմեհամարներին։ Էրդողանը հետ է ուղարկել նվիրատվությունը։

«Ժողովուրդների դեմոկրատական» կուսակցության կողմից առաջադրված Սելահաթին Դեմիրթաշին նվիրատվություն է կատարել 1460 քաղաքացի, իսկ նվիրատվությունը չափը կազմել է 361 հազար 441 լիրա։